कई बार

कई बार मैने इंसानों को
मंदिर मज्जीद पे लड़ते देखा है

इन्ही लोगों ने कई बार भूके को
रोटी चूराते  रोका है

                                    स्वलीखीत
                                      नितीन खापरे
                                         दी.१६/०३/२०१६

पाणी तेवढं दया की

पाणी तेवढ द्याकी……

आमदार साहेब आमदार साहेब
माझ ऐकून घ्याकी

पीक आल्यावर चूकति करीन
शेतसार्याचि बाकी
काही नको राणाला माझ्या
पाणी तेवढ दयाकी

किडूक मिडूक इकून बायकोच
पेरणी तेवढी केली
दोन मास झाल तरी
पावसाची रंडकी नाही झाली
पहिल पीक करपून दुबार पेरणीची येळ आली
दूबार पेरणीसाठी पाण्यात भिजवूण
बी तेवढ दया की

आमदार साहेब आमदार साहेब
माझ ऐकून घ्याकी

काही नको राणाला माझ्या
पाणी तेवढ दयाकी

आमच जाऊ दया नवरा बायकू
हवा पिऊन जगू
पाण्याविना लाखणार्या गूराकड
सांगा कस बघू

खूर खोरून खड्डा करत्यात
पाण्यासाठी जनवार
पाण्याविना करपून गेलंय
शेतं माझ सार

काय सांगू सायब पार गळ्यापातूर आलय
पण कायद्यामंधी आत्महत्याबि गुन्हा म्हणून लिहिलय 
पाण्यासाठी वणवण फिरून 
नऊ आलेत नाकी 

आमदार साहेब आमदार साहेब
माझ ऐकून घ्याकी

काही नको राणाला माझ्या
पाणी तेवढ दयाकी

पाहिजे तर घारातली मत
तूम्हालाच कीहो देईन
शप्पत खातो या खांद्यावर
तूमचाच झेंडा घेईन
इथे तिथे तिथे इथे
प्रचाराचे गीत गाईन
तूम्ही म्हणाल तर
उपाशी पोटी उन्हात
ऊभ राहीन

जास्त काही नाही बदल्यात
पाणी तेवढ घेईन

पण येवढी बार भरून दया
पाण्यान गावची टाकी 

आमदार साहेब आमदार साहेब
माझ ऐकून घ्याकी

काही नको राणाला माझ्या
पानी तेवढ दयाकी

आमचंच चूकलं रानामधली
झाड सारी कापली
म्हणून तर काळी आई
ऊन्हान कीहो तापली
निसर्गदेवी शेतंकार्यावर
क्रूरतेन कोपली
याच्यापूढ मी कोण्हाकड
मदतीला नाही धावणार
वचन देतो म्या ऐकलाच
50 झाड लावणार
पण रोप लावाया वल्ला करून
चीकूल तेवढा दया की

आमदार साहेब आमदार साहेब
माझ ऐकून घ्याकी

काही नको राणाला माझ्या
पाणी तेवढ दयाकी

आमदारांनी PA सांगितले  यांचे
अनुदानाचे काम करून दया
PA बोलले त्यातल्याच दोन नोटांनी
साहेबांचे खिसे भरून दया

मी डोक्यावरुन कपाळावर आलेला
घाम पूसत पूसत उठलो
वाटले मनाला साहेबांना
उगाच तर भेटलो
तरीही थरथरत्या ओठांनी
साहेबांना पूटपूलो
माफ करा साहेब पण

आमच्या मालाला बाजारात
चांगल्या भावान इकू दया
इंग्रजीत नाही निदान आमच्या पोरांना
माराठित तरी शिकू दया
या कूपोषित शेतकऱ्याला
तूमच्या समाजा मधे टिकू दया
जास्त नाही आमदार साहेब
आमच शेतं तेवढ पिकू दया

साहेब बोलले नंतर बोलू
महत्वाची मीटिंग आहे चालू
नमस्कार करून साहेब
हसत निघून गेले
एकाने मला ढकलत ढकलत
बाजूलाच केले
त्याच्या हातात होत दांडक
अंगावर वर्दी खाकी

मी मात्र पुटपुटट राहिलो
माझ ऐकून घ्याकी
काही नको राणाला माझ्या
पाणी तेवढ दयाकी
पाणी तेवढं दया की ...............

                       स्वलीखीत
                     नितीन खापरे
                      दी.१५/०३/२०१६