*तुका लागले डोहाळे*
माझ्या तूक्याला लागती
विठू नामाचे डोहाळे
लवतो विठू पुढे
जसे नदीचे लव्हाळे
नाचे कीर्तनात दंग
गळा तुळशी पोवळे
हट्ट विठू दर्शनाचा
धरी बाळ ते कोवळे
विठू नाम घेता
मरे त्याची भूक
विठू नाम चाखे
जैसे साखरेत तूप
जगी विठू नाम खरे
बाकी सगळेच चूक
विठू नामावीणा
तुका मनी रुखरुख
जगी कैसे हे डोहाळे
मूल बापाला ओवाळे
विठू धावे पंढरीशी
तुका मागूनिया पळे
विठू नामाचे दळण
तुका दिन-रात दळे
नितीन म्हणे तुका
गुरु मी मानिला
अभंग मी त्याचा
माझ्या शब्दात वीनीला
त्याच्या अभंगातुनी
आज विठू मी जाणिला
त्याच्या अभंगांतूनी
बळ येवू दे वाणिला
�-- *नितीन खापरे*
