वरून राजा तू येऊन जा
भळी पडलेल्या शेतावर
अन
क्षीण कूणबी करे विनवणी
वरून राजा तू येऊन जा
जमीन माझी किती तापली
रानामधली पिकं करपली
बघ पाण्याविन झाड झुकली
माणसाची मूख हि सूखली
येऊन जरा तू पाहून जा अन
रानामध्ये तू वाहून जा
वरून राजा तू येऊन जा
वावटळीला कवेत घेऊन
मृत पाचोळा उडतो
उंच उंच जाऊनी तो
तुलाच हात जोडतो
काहीच न बोलता तू,
तो खाली येऊन पडतो
पाय पडता त्याच्यावरती तो
कड-कड कडकडतो
येऊन त्या पाचोळ्याला
संजीवनी तू देऊन जा
वरून राजा तू येऊन जा
पाण्याविन लाखतात गुर
खुरतात खुर
अन
झुकतात तुझ्या म्होर
पहाव तिथ उन्हाच घर
करपून गेल जग सार
किती अंत पहाशी तू र ?
बघ कोरड पडल झर
दोन दिवस राहून जा
झऱ्यामध्ये त्या पोहून जा
वरून राजा तू येऊन जा
अंगाची होते लाही
पान्हे आटूनी गेल्या गाई
दुधावरती साय नाही
सुकुनी गेल्या जाई-जुई
कोकिळाहि गात नाही
चोहीकडे हि त्राही त्राही
तहानेजलेल्या कोकिळेला
दोन थेंब तू देऊन जा
वरून राजा तू येऊन जा
वरून राजा तू येऊन जा
स्वलिखित
नितीन खापरे
दि . ३१/०५/२०१४
कोणत्याही टिप्पण्या नाहीत:
टिप्पणी पोस्ट करा