आयुष्याच्या शिदोरीतून………
मंदाळलेल्या रात्रीगात
अलगद वहात जावे
आयुष्याच्या शिदोरीतून
मी स्वतःस काही द्यावे
आयुष्यकोडे जगताना
मी जगास खूप दिले
तरीही आशेने बघती
मजकडे दीन मुले
वाटणीचे माझ्या सुखअमृत
जनास मी दिले
तयांचे दुखाश्रू
हसत मी पिले
वाटतसे आता मला
मजसाठी काही करावे
आयुष्यगाणे गाताना
जिंकूनहि हरावे
फेसाळलेल्या समुद्रागत
उंच लाट व्हावे
आयुष्याच्या शिदोरीतून
मी स्वतःस काही द्यावे
ते झाड माझे
मीच लाविले
त्याचे फळ मी
जनास दिले
ते फुलही माझे
मीच फुलविले
जनास देऊन
काटे मजकडे ठेविले
आयुष्याच्या वाटेवरती
मी सर्वांच्या कामी आलो
खंत वाटे माझी मला
मी माझाच नाही झालो
सगळ्य़ा वरती प्रेम करता
स्वतःस विसरून गेलो
आता मात्र वाटे मला
मजसाठी थोडे गावे
आयुष्याच्या शिदोरीतून
मी स्वतःस काही द्यावे
स्वलिखित
नितीन खापरे
दि . १५/०३/२०१४
कोणत्याही टिप्पण्या नाहीत:
टिप्पणी पोस्ट करा